ప్రేమసందేహం మనసు శరీరాన్ని ప్రణయస్పర్శలతో ఎంత హాయిగా మీటినా
ఆ స్పర్శకి నీ హృదయపు లోతుల్లో ప్రేమరాగం కలగలేదు
మానసగీతం యొక్క సంగీతమాధుర్యం వినపడనప్పుడు
మరి, ఆ ప్రణయగీతానికి దేహస్వరాన్ని ఎలా అప్పచెప్పను?
బహుశా, నా తనువుకి కౌగిలియొక్క స్వభావం నచ్చలేదేమో!
ప్రేమ మనసుని ప్రణయభావాలతో ఆనందంగా కదిలించినా
ఆ భావాలకి నా గుండెలోతుల్లో ప్రేమనాదం పలకలేదు
ప్రేమగేయం యొక్క ప్రణవలావణ్యం కనబడనప్పుడు
మరి, ఆ ప్రణయగేయానికి ప్రేమకవిత్వాన్ని ఎలా అందించను?
బహుశా, నా మనసుకి గుండె యొక్క నిశ్శబ్దం నచ్చలేదోమో!
స్నేహం ఇంద్రియాల్ని ప్రణయరాగంతో అద్బుతంగా ఆకర్షించినా
ఆ రాగానికి నా అంతరాత్మలోలోపల రసానుభూతి కలగలేదు
స్నేహకావ్యం యొక్క జీవనసాహిత్యం కనబడనప్పుడు
మరి, ఆ ప్రణయరాగానికి మిత్రవైత్రిని ఎలా కనబరచను?
బహుశా, నా ఇంద్రియాలకి అనురాగపు ప్రభావం నచ్చలేదేమో!
