ఇపుడు మనిషి మనిషిలో లేడు
మస్తిష్కంలో ప్రపంచం లేదు
మనసులో ఆలోచనలు లేవు
ఉన్నదల్లా ఒకటే
ఏ నిముషంలో ప్రాణం పోతుందో అనే ఆలోచన
ఇపుడు హృదయాలలో స్పందన లేదు
ఆర్ద్రత అనురాగం లేదు
అనుభూతి, ఆత్మీయత లేదు
ఎదురయ్యేదంతా ఒకటే
జనారణ్యంలో మానవ మృగాల సంవేదన..
ప్రక్రుతిలేదు ప్రాణులులేవు
పలకరింపు లేదు పరామర్శ లేదు
గాలి,నీరు లేదు
మంచి, మమత లేదు
గుర్తుకు వస్తున్నదంతా ఒకటే...
అయినా ..
ఒకచోట ఉండనే ఉంటుంది..
ఒక పచ్చని పూలచెట్టు
పలచని నవ్వుతోనో.. లేత కిరణం లానో
ఒక ఓదార్పు మెట్టు
ముగిసిపోయిన ప్రాణాలపై రాలే
ఒక కన్నీటి బొట్టు
ఒక సముద్రం.. ఎగసిపడే కెరటం
