మన ఇద్దరి మధ్య అలుముకున్న ...చీకటి తెరలని రచించిందెవరో

నువ్వు నా జ్ఞాపకాలనుంచి,
నా నుంచి తప్పుకోవాలని అనుకున్నా
నీకు తెలిసిన మనసును
అడిగి చూడు నీడలా
నీ వెంటే వున్నది ఎవరని?
అలిగి అలసిన మాటలనడుగు
నీ ఊహల వెనుక ఉన్న ఆశేమిటో
నిజానికి అబద్ధానికి మధ్య
నా కలలనీ ఊహలనీ తొక్కిపెట్టిందెవరో
ఒక్కసారి కళ్ళు మూసుకొని
నీ మనసునడుగు నిజం చెబుతుంది

మన ఇద్దరి మధ్య అలుముకున్న
చీకటి తెరలని రచించిందెవరో
కనిపించని నిజాలనడుగు
అబద్దపు నీడల పొడుగేమిటో
కాలచక్రం ఇరుసులనడుగు
కదలిపోయిన కలల కన్నీరు ఏమిటో
నిద్ర రాని నా కన్నులనడుగు నీకు నేనేమిటో

అలా అలవోకగా
ఓటమి నన్ను ఓడిస్తూంటే
నిజాల వెంట నీవు ఊహల మధ్య నేను ............
ఎప్పటికీ ఒంటరిగా అదే దిక్కుతోచని సమూహంలో
అయినా! నేనింతకు ముందూ ఒంటరినే ఇక పైనా కూడా ......