నా ప్రేమ! .... నా గమ్యం!
సెలయేటి రాగాల సుమధుర గానం,
పిల్ల తుమ్మెరల అల్లరి మాధుర్యం,
హరివిల్లుల చిట్టి గుడారం,
నా ప్రేమ!
నిజం చెప్పాలంటే!
ఎవరెస్టుకంటె ఎత్తైనది,
ఆకాసమంత పరచుకున్నది,
బాధకంటె బరువైనది,
అగ్నికంటె స్వఛ్ఛమైనది,
నిజమే కదా!
ఎవరు భరించగలరు ఇటువంటి ప్రేమను!.. అందుకే,
ఆ పిచ్చి ప్రేమను హ్రుదయగవాక్షాల మధ్య బంధీ చేసి,
వూహల రెక్కలకు సంకెళ్ళు వేస్తున్నా,
కలల మొగ్గలు చిదిమేస్తున్నా,
ఆశల సౌధాలు కూల్చేస్తున్నా,
మౌనరాగం ఆలపిస్తున్నా!
ఇకపై...
నీవు మిగిల్చిన ఏకాతంలో,
ఏ కాంతీ లేని, జీవితం జీవిస్తూ!
నీవు విదిల్చిన ఒంటరితనంలో,
ఒంటరిగానే ఈ తనువును చాలిస్తా!
