ప్రియా "ఘనీభవించిన కాలం
ఒక్కోసారి గుండెను గాయం చేస్తుంది
ప్రియా మరోసారి కోలుకోలేకుండా మార్చేస్తుంది
ప్రయాణమే జీవన మార్గంగా మారిన ప్రస్తుత తరుణంలో
ప్రియా మాటలు కరువయ్యాయి ...ఇక చూపులే మిగిలాయి ..
హృదయం మంచు ముద్దగా మారింది ...నీ గురించి ఆలోచించి ..ఆలోచించి ...
ప్రియా అయినా ..నువ్వు అక్కడ నేను ఇక్కడ
దారులు వేరు..గమ్యాలు వేరు ..
ప్రియా ఊహల్లో నేను ..కలల అలలై ఎగసి పడుతుంటే
నేను మాత్రం నీ తలపుల తనువు కోసం ఆరాటపడుతున్నా ...
ప్రియా మన పరిచయం ...సముద్రం లోని దిక్సూచిలాగా మారింది ..
అప్పుడప్పుడు ఓ రెండు మాటలు ..మరికొన్ని వాలు చూపులు ...
ప్రియా నీ కళ్ళు మెరిసినప్పుడు ...నీ పెదవుల మీద దరహాసం విరిసినప్పుడు
నీ గుండెల మీద ..నా చూపు గులాబిగా మారి నిన్ను గుచ్చుకున్నప్పుడు
నేను నేనుగా ఉండలేకపోయా ...ప్రియా
ప్రియా బహుశా ఇది మన మద్య మరింత దూరాన్ని పెంచింది
పెను అనుమానాలకు తావిచ్చింది ...
ప్రియా నిన్ను విడిచి నేనుండలేను ..ప్రియా నన్ను నేను సముదాయించుకోలేను..
ప్రియా మనసు పొరల్లో నిక్షిప్తంగా ఉండిపోయిన ..ప్రియా ఆ కాసిన్ని కన్నీళ్లను కార్చటం తప్పా ...
ప్రియా అందుకే ..నిండారా ..ఏడుస్తూ ఉన్నా ...
నువ్వు ..హాయిగా ఉండాలని ...ఆలోచిస్తూ పిచ్చివాడను అయ్యాను
వెంటాడే నీ జ్ఞాపకాలు నన్ను వేదిస్తున్నాయి ప్రియా
