ప్రియతమా..
పిడికెడు నీ ప్రేమ కోసం
నా మౌనహృదయం
ఎన్నో వసంతాలుగా ఎదురు చూస్తోంది..
నీ దయ నా మీద ప్రసరించదని తెలుసు..
... నువ్వొక అందని అందమైన జాబిల్లివని తెలుసు..
నిన్ను నేను పొందలేనని తెలుసు..
అన్నిటికంటే ముందు నా దురదృష్టం
నిన్ను ఖచ్చితంగా నాకు దక్కనీయదనీ తెలుసు..
అయినా నిన్ను ప్రేమించకుండా నేను ఎలావుండగలనూ ..?
ఇన్నాళ్ళూ నిన్ను ఆరాధించడం లో
నేను పొందిన మధురానుభూతిని
ఒక్క సారిగా నా మదిలోనుంచి
ఎలా తుడిచివేయగలనూ.. ?
నా నరనరాల్లో జీర్ణించుకు పోయిన నీ ప్రేమని
ఉన్నపాటున ఎలా చంపుకోగలనూ..?
నీకోసం.. నీ ప్రేమకోసం..
నా హృదయం ఎంతగా తపిస్తోందో..
ఎంతగా విలపిస్తోందో.. నీకు తెలియదు..
నువ్వు నాకు ఎప్పటికీ..కనిపించక పోయినా..
నేను నిన్ను ఎప్పుడూ కోరేది ఒక్కటే ప్రియా..
కనీసం నిన్ను ప్రేమించడం లో వున్న
అంతులేని ఆనందాన్ని..
చెప్పలేని మాధుర్యాన్నీ.. అయినా
నన్ను ఇలా కాసేపు అనుభవించనీ..
నిన్ను పొందలేక పోయాననే తీరని కోరికని
నా గుండెలోనే గుట్టుగా నిక్షిప్తమై పోనీ..
ఎన్నటికీ తీరని ఈ నా ప్రేమ వ్యధని..
నీ తీయని విరహబాధనీ..
నా జీవితకాలమంతా..
విడవక నన్ను భరించనీ..
ఈ జన్మకిలా తరించనీ..
ప్లీజ్.............
