నింగిలోని జాబిలై నీకందనని నవ్వుతుంటే,

నింగిలోని జాబిలై
నీకందనని నవ్వుతుంటే,
కన్నీటిలో నీ ప్రతిబింబాన్ని
గుండెలో దాచుకుంటూ ఆనందిస్తున్నా.
అందనంత దూరంలో
ఒయాసిస్సులా నీవుంటే,
గుండెనిండా ఆశలను
నింపుకుంటూ బ్రతికేస్తున్నా.
మనసు నిండ ప్రేమనుంచుకోని
కురిపించలేని మేఘంలా నీవుంటే,
నీ జ్ఞాపకాల వేడిలో బీటలుబారిని
హృదయంతో ఎదురుచూస్తున్నా.
సంతోషాలన్ని నీలోనింపుకొని
సెలయేటిలా ప్రవహిస్తున్నా,
నిలువదని తెలిసినా
నా ప్రేమతో ఆనకట్ట వేసి నిన్ను
ఆపాలని ఆశిస్తున్నా. ప్రతిక్షణం నీ విరహం,
నీ కోపం జ్ఞాపకలై నన్ను ఏడిపిస్తున్నా
ఆ జ్ఞాపకం మెదిలిన మరుక్షణం అన్ని
మరచి మళ్ళీ నీ ప్రేమకోసం పరితపిస్తున్నా ప్రియా