మూగబోయిన నాగొంతులో నీపేరు ప్రతిధ్వనిస్తుంటే

నీ చూపుల ముందు 
కదులుతున్న నా రూపం
శూన్యంలో ఒంటరిగా 
ఉందని తెలుసుకోలేకుంది
నీ ఊహాచిత్రన్ని 
నీ చిరునామా అడుగుతుంటే
అది నాహృదయాన్ని 
చూపుతుంటే చిత్తరువు చెందుతున్నా
నేను మంత్రం చదువుతుంటే 
నీ పేరులా వింటున్నా
నా మది పేజీల మద్యలో 
నువ్వు దాగుంటే
నీకోసం కలల 
విశ్వమంతా చుట్టి వస్తున్నా
చే జారిన ఎన్నో నీ జ్ఞాపకాల క్షణాలు
నువ్వు నా కనురెప్పలనుండి 
వేకువ చూస్తుంటే
జారిపోతావని 
నాకన్నీటిలో పన్నీటి స్నానం చేయిస్తున్నా
నా కన్నుల కార్తీకంలో 
వెలుగులా వస్తావని ఆశిస్తున్నా.
కంటి నుంచి 
ఒక్కో బొట్టుగా రాలుతుంటే
నీకై సంధు మలుపు 
చివర ఆగిన నా చూపు
అప్పుడే తడిచిన యడారిలా 
నిర్మానుష్యంగా ఉంది
మూగబోయిన నాగొంతులో 
నీపేరు ప్రతిధ్వనిస్తుంటే
-- ప్రియా