స్తబ్ధుగా తను
ఎప్పుడు కుండపోతా అన్నట్టు ఆకాశం
దట్టమైన ఆ మేఘాలు ఎక్కడి నీటితో అల్లుకున్నాయో?
ఏ ఆలోచనల ఆవిరి ఆమె కళ్ళలో ముసురుకుందో?
ఏ పవనమో వీచి ఏ మేఘాన్నో కరిగించింది..
జన జనా వాన
చెట్లపైనా
గుట్లపైనా
ఏం జరిగిందో మరి ఆ కళ్ళూ కరిగాయి
టపా టపా కన్నీరు
చెక్కిళ్ళపైనా
గుండెలపైనా
జన జనా వాన
టప టపా కన్నీరు
ఒక్కసారిగా ఆగిపోయాయి
మళ్ళీ ఏం జరిగిందో మరి
జన జనా వాన
టప టపా కన్నీరు
మళ్ళీ ఆగిపోయాయి
వాన కురిసింది కన్నీరు కురిసింది
వాన కురిసింది కన్నీరు కురిసింది
ఏ ఆలోచనల ఆవిరి తన కళ్ళలో ముసురుకుంది?
ఈ జడి ఈ రోజు ఆగేనా?
