నా మనసొక మహాసముద్రం..
కెరటాల్లా.. ఆలోచనలు..
ఎంత వద్దన్నా నీ వైపుకే.
అలల ఆశ, నువ్వు మహాకాశం కావాలని.
అందుకే, ఆవేశంగా పైకెగిసి..
తీరంలోనే నిన్ను చూసిన క్షణం,
ఇష్టంగా కిందికి దూకుతాయి..
ఆర్తిగా నిన్ను తడుముతాయి.
ఎందుకు నేస్తం??
తీరంతోనే నీ సాహచర్యం?
"నీకు చేరువుగా ఉండొచ్చని"
సమాధానం నాదా? నీదా?
ఇన్నాళ్లూ ఎగసి ఎగసి అలసింది
ఆకాశాన్ని అందుకోలేక కాదు,
అక్కడ నువ్వు లేవని...
ఒక్క క్షణం నింగిని తాకి చూడు.
అర్ణవాకాశాలు కలవడం చూస్తావు..
-- మనసు పలికే..
