మంచు తెరల్లో ముత్యంలా కనిపిస్తావు
మనసు లోతుల్లో ముల్లువై గుచ్చేస్తావు
నా మనసు రాజ్యానికి రాణిలా అనిపిస్తావు
పరిపాలించ రమ్మంటే కాదని గెంటేస్తావు
ముద్దబంతి పువ్వులా ముద్దొస్తావు
ఓరకంట చూస్తేనే మందారంలా కొపగించుకుంటావు
మౌనంగా ఉందామంటే రాగమై వినిపిస్తావు
సందడి చేద్దామంటే సమయం లేదంటావు
వద్దనుకుందామంటే వలపులు పంచే దేవతలా కనిపిస్తావు
కోరి వద్దకు వస్తే కోపంగా చూచి పొమ్మంటావు
సాయం సంధ్యవేళ వీచే గాలి తెమ్మెరలా నా మది దోచేస్తావు
మనసు మౌనం కరిగేవేళ వడగాలివై ఉక్కిరిబిక్కిరి చేసేస్తావు
ఇవన్నీ నామదిని తొలచివేస్తున్న ఆలోచనలే..
నిజంలా నిద్దుర లేకుండా చేస్తున్న పరిస్థితులు.
అన్నీ ఊరిస్తున్న ఊహలే వాస్తవదూరాలు..
కాదనుకున్నా కటినమైన వాస్తవాలు..
నిజంలాంటి నిజాలు కాకపోయినా..
ఊహల్లో ఊరిస్తున్న వాస్తవాలు ప్రియా
