కన్నీరు ఒలికి చెదిరిన అక్షరాలు ముద్దగా అయ్యాయి

కన్నీరు ఒలికి  చెదిరిన  
అక్షరాలు ముద్దగా అయ్యాయి
కంటిని ఆకట్టుకున్న 
చిత్రాలు విచిత్రాలై
గుండెను పిండేసే  
కావ్యాలుగా మారాయి
మూగగా రోధించే  నీజ్ఞాపకాలు 
నా గుండెల్లో రక్తనమూనాలుగా
మిగిలిపోయాయి  మౌనంగా 


 నా ఆక్రందనలు 
మిన్నుముట్టిన వేళ
నన్ను నేను ప్రశ్నించుకుంటే..?
అర్దంలేని భావాలు అన్నీ
అపార్దాలుగా మిగిలిపోయాయి
భావాల కలంలో,
అనుభూతులు సిరాగా నింపి,
జీవితపు పుటలపై,
లిఖిద్దామనుకుంటే
వేదనల వర్నాలే 
మిగిలిపోయాయి
నీవు ,నేను అంటూ 
తిరిగాడిన ప్రాంతాలన్నీ
అగ్నిగుండాలై కాల్చేస్తున్నాయి..

నీ చిరునవ్వులు 
ఇప్పుడు నావికావు
నీ ప్రేమ పిలుపులు 
నావికావు ఇప్పుడు
నీ ఆప్యాయమైన 
పలుకరింపుల్లో
ఎవరో చేరారు.. వాళ్ళకోసమే
నీ మనస్సు తపిస్తుంది 

నన్నుకాదని..
నేనెవరో తెలీనట్టు
అసలు నేను 
పరిచయమేలేనట్టు
చూస్తున్న నీ నటన చూస్తుంటే
ఇప్పుడున్నది నీవేనా 
అనిపిస్తుంది
ఇప్పుడు నీ మనసు 
పరితపిస్తున్న మనిషి
నిన్ను నిలువునా బూమిలొ 
కప్పిపెట్టేరోజు దగ్గరలో ఉంది
ఆరోజు నేను నీ పక్కనుంటే 
బాగుండూ అనుకుంటావు
కాని అప్పటికే జరగాల్సిన
అవమానం నీకు జరిగిపోతుంది