ఒకరి మాటలు ఒకరికి వినిపించలేనంత దూరంలో ఉన్నాంగా

చించేసిన కాగితాలతో 
మాటలు పక్కకు జరిగాయి
మనసు అరలలో గతాన్ని 
పదే పదే తడుముకోవడం
నవ్వడం, ఏడ్వడం అన్నీ మర్చిపోయాను
నీలో నన్ను వెతుక్కునేందుకు
నా మనసు పడుతున్న తాపత్రయం 

ఇచ్చిపుచ్చుకోవడానికి 
మాటలే కరువయ్యాయి
ఒకరి మాటలు ఒకరికి 
వినిపించలేనంత దూరంలో 
దగ్గరవ్వాలన్నా అవ్వలేని క్షనాలను 
లెక్కబెట్టుకుంటూ నేను పడుతున్న వేదన 
నీకు తెలియలని నేననుకున్నా 
తెలుస్కోవాలని నీకు లేనప్పుడు 
నన్ను నేను నిందించుకోవడం 
గతాన్ని కత్తులుగా చేసుకొని 
నన్ను నేను గాయపర్చుకోవడం 
ప్రతిరోజు జరిగే తంతే గదా 

అయినా నాపిచ్చిగాని జరగని 
తంతుకు తపన పడటం 
చదువుతుంటే నీకు  వింతగా వుందేమో కదూ