గతానికి గాయంగా మారానిప్పుడు

నాడూ నేను 
నీకు ఆద్యంతాన్ని
నేడు ఒట్టి ఏకాంతాన్ని
గతానికి గాయమైయ్యానిప్పుడు
మొన్నటి  నీ పరిచయానికి 
మోడువారి
నిన్నటి పరిచయానికి 
నిందితుడిగా మిగిలిపోయా
నేటి ఏకాంతానికి 
చిరకాల మిత్రుడినై ఇంకా 
నీకోసం ఎదురు చూస్తూనే ఉన్నా
రావని రాలేవని తెల్సికూడా..
నమ్మలేని నిజంగా మారిన నేను

అనుభవాల్ని అక్షరాల్లోకి తర్జుమా చేస్తూ
నేను మళ్ళీ మళ్ళీ పుడుతుంటాను.
నా జ్ఞాపకాలను నేనే
తడుముకొని మురిసిపోతుంటాను 

గతకాలపు జ్ఞాపకాలని నీవు
ఓ మూలకి విసిరేసా అవేంటో
ఊడలతో సహా పెరిగి 
మనసంతా అల్లుకుపోయాయి
నాలోంచి ఎంత విడదియ్యాలని 
 చూసినా మల్లీ పుడుతూనే ఉన్నాయి
నన్ను నాలో ఉండనీయ్యకుండా 
నన్ను చింద్రం చేస్తూనే ఉన్నాయి