చీకట్లో వర్షిస్తున్న
నిశ్శబ్దంలో తడుస్తూ
నడుస్తున్నాను
గమ్యిం తెలియని తీరం వైపు
నీ నామ స్మరణను
నా పెదాలపై అల్లుకుంటూ
నడుస్తూనే ఉన్నాను
నాలోనుండి నాలోకి
నిశబ్దపు దుప్పటిలో దూరి
నన్ను వెంబడిస్తున్న గాలికి
నా నిట్టూర్పులను సెగ జత చేసి
మౌనంగా కొట్టుకుంటున్న గుండె సాక్షిగా
మనసు భారంగా ..
నడుస్తూనే వున్నా నాలోనుండి నాలోకి
నీ ఆలోచనలన్ని నా మనసుపై
దాడి చేస్తే పగిలిపోయిన
మనసు ముక్కల మద్య
ఒంటరిగా ఆకాశం వైపు నిసృహగా చూసి
నవ్వలేక ఏడ్వలేక వెర్రిగా నవ్వేస్తున్నా
అది ఏడుపో నవ్వో తెలియక
ఆకాశంలో చందమామ భయ్పడి
నల్లని మబ్బుల చాటుకు వెల్లి
తొంగి చూస్తున్నాడూ భయం భయంగా
అప్పుడూ కూడా నీ ఆలోచనలు
నడుస్తూనే వున్నాయి
నాలో నుండీ నాలోకి
