కనులెప్పుడూ మురిపిస్తుంటాయి ఎదురుగా నీవున్నట్టు

నిన్నటి నవ్వు
నేటిదాకా దాచుకోలేను
నిన్నటి దుఖాన్ని 
నేటిదాకా మోస్తూనే వున్నా
నువ్వు మారుతున్నట్టే
నేను మారను నేణు నాలానే వుంటా 
కనులెప్పుడూ మురిపిస్తుంటాయి
 ఎదురుగా నీవున్నట్టు 
నన్ను నాలో చేరి గుర్తిస్తున్నట్టు 
అనిపిస్తుంది వులిక్కి పడి లేచాకా 
తెల్సింది అదంతా బ్రమ అని 
నిజమనే నీడలో జరిగిన వాస్తవాలు
ఇప్పటికీ నా చుట్టూ 
చేరి వెక్కిరిస్తున్నాయి 

ఏ ఒక్కటీ నిజం కాదని తెలుకొన్న 
క్షనాలను తలచుకొని ఏడ్చిన క్షనాలు 
ఎన్నని చెప్పను .. నీ ప్రతి చిరునవ్వు వెనక 
నా విషాదం దాగి వుందన్న నిజం నీకో జోక్ 
ఇది చదివి వెర్రిగా నవ్వుతున్న 
నీ ఎర్రని పెదాల సాక్షిగా 

రెప్పలార్పని నా కళ్ళలో
జీవంలేని కిరణాలు ప్రసరిస్తుంటాయి
నన్ను ఎప్పుడో అవన్ని 
నిర్జీవున్ని చేశాయి  
విగతజీవుడిగా మిగిల్చాయి

జారుకుంటున్న నిశ్శబ్దంలోకి 
నీ జ్ఞాపకం ఎప్పుడో నెట్టేసింది 
మెల్లగా లాక్కుపోతున్న 
గతం దూరం అయినా  
నేనేమీ చెయ్యలే ని 
నిస్సహాయున్ని ఇప్పుడు 

మళ్ళీ ఏదో నవ్వు చెక్కుకుంటూ
ముఖంపై పులుముకొని
మార్చుకుంటూ పాడుతుంటాను.