గుండెల్లో మెలిపెడుతున్న భాదను దిగమింగుకొని నాలోకి నేను

నిత్యం చూసే 
ముఖాల మధ్య
మౌనంగా నాలో నేను 
అతుక్కుపోవడం
ఎవ్వరూ గుర్తించని 
మరో ముఖాన్ని తొడుక్కుని
భాదను నవ్వులో కలుపుకొని
పైకి నవ్వుతూ లోలోపల  
గుండెలు పగిలేలా ఏడుస్తూ
నన్ను నేను ఓదార్చుకొనే శక్తిలేక 
ఓ చిన్న ఓదార్పు కోసం 
అటూ ఇటూ 
పరుగులు పెడుతూ నేవున్నా 
అయినా గుండెల్లో  మెలిపెడుతున్న 
భాదను దిగమింగుకొని 
భరిస్తూ నాలోకి నేను 
నడకను సాగిస్తూనే వున్నా 
నిజాన్ని అబద్దంలో దూర్చి 
దాని చుట్టూ అందమైన పూలూ పేర్చి 
ఎవ్వరికీ కనిపించకుడా నాలో 
రేగుతున్న అగిని చల్లార్చే 
కన్నీటిని అదుముకొని 
పేలుతున్న అగ్నిగోలాల సాక్షిగా 
నేనెవరొ తెలుపుకోలేక 
అటూ ఇటూ పరుగులు పెడుతూనే వున్నా