ఈ రాత్రి
ఒక నిశ్శబ్ద నది
మౌనం వీడుతోంది
పరవల్లు తొక్కుతున్న
మనసు ప్రవాహంలో
ఏ వెన్నెల పూలూ
నీకోసం వెతుకుతూ
మత్తులు వెదజల్లే
తడి ఆరని తమకంలో విచ్చుకున్న
దేహం పైన విచ్చుకోవు.
నాట్య మయూర పురివిప్పి
నాట్యమాడ నిను చేర పరుగులు పెట్టనా
ఈ రాత్రి
అనంతాలోచనా ప్రవాహంలో
విఫలమవుతున్న నా కలల వలలు
నీకౌగిలికోసం తపిస్తున్నాయి
కానీ ఎప్పటికైనా ...
ఈ రాత్రి
ఉషోదయానికి గురిపెట్టిన శరమై
నైరాశ్యపు
నారిని విడవాల్సిందే
ప్రభాతకాంతిలో మునిగి
చిరు మందహాసాలను చెదరగొడుతూ
దరహాస రేఖల్ని ధరిస్తూ
త్రుళ్ళుతూ ప్రవహించాల్సిందే
అదే నీ నవ్వుల ప్రవాహమై నిను చేర
ఎప్పటికీ చేరనని తెల్సి పరుగులు పెడుతూనే వుంటాను
ఒక నిశ్శబ్ద నది
మౌనం వీడుతోంది
పరవల్లు తొక్కుతున్న
మనసు ప్రవాహంలో
ఏ వెన్నెల పూలూ
నీకోసం వెతుకుతూ
మత్తులు వెదజల్లే
తడి ఆరని తమకంలో విచ్చుకున్న
దేహం పైన విచ్చుకోవు.
నాట్య మయూర పురివిప్పి
నాట్యమాడ నిను చేర పరుగులు పెట్టనా
ఈ రాత్రి
అనంతాలోచనా ప్రవాహంలో
విఫలమవుతున్న నా కలల వలలు
నీకౌగిలికోసం తపిస్తున్నాయి
కానీ ఎప్పటికైనా ...
ఈ రాత్రి
ఉషోదయానికి గురిపెట్టిన శరమై
నైరాశ్యపు
నారిని విడవాల్సిందే
ప్రభాతకాంతిలో మునిగి
చిరు మందహాసాలను చెదరగొడుతూ
దరహాస రేఖల్ని ధరిస్తూ
త్రుళ్ళుతూ ప్రవహించాల్సిందే
అదే నీ నవ్వుల ప్రవాహమై నిను చేర
ఎప్పటికీ చేరనని తెల్సి పరుగులు పెడుతూనే వుంటాను
