స్నేహమా నీచిరునామ ఎక్కడ..?

సూర్యతాపంతో ఎండిపోయిన సరస్సు లా,

మబ్బుల్లో దాగిన చందమామను అడిగాను,

జాబిలిలో వీచిన చిరుగాలిని అడిగాను,

వెన్నెల్లో విరిసిన మల్లెపూవును అడిగాను,

నింగిలో మెరిసిన నక్షత్రాలను అడిగాను,

నిశీధిలో కురిసిన మంచుబిందువులను అడిగాను ,

నా పాణ స్నేహం ఎక్కడుందని..?

ఎవ్వరూ నా స్నేహం ఆచూకీ తెలుపలేదు..


చివరకు ఏమీ పాలుపోక,

నా హృదయాన్ని తట్టిచూశా...!

అక్కడే నా నేస్తం ప్రశాంతంగా నిద్రపోతుంది..

ఉలిక్కిపడి లేచి చూసా..పైన నక్షత్రాలు చుట్టూ చిమ్మ చీకటి తప్ప ఏమీ కనిపించడంలేదు..